78 қазақстандық "Болашақ" бағдарламасымен әлемнің үздік жоғары оқу орындарына түсті

Республикалық комиссия шешімімен биылғы үшінші легінде "Болашақ" стипендиясы 178 адамға тағайындалды, деп хабарлайды Zakon.kz.

"Оның ішінде 78 адам әлемнің үздік жоғары оқу орындарының магистратурасына, 6 адам докторантурасына түсті. 110 стипендиат "Тағылымдама" бағдарламасы бойынша біліктілігін арттырады. "Болашақ" стипендиясының иегерлері әлемнің 20 мемлекетінде академиялық білім алады және тағылымадаман өтеді. 93 адам АҚШ-тың, 47 адам Ұлыбританияның және т.б. елдердің жоғары оқу орындарында білім алады", - делінген “Халықаралық бағдарламалар орталығы” АҚ ресми Telegram-каналында.

2022 жылы стипендиаттардың басым көпшілігі инженерлік-техникалық бағыттар бойынша шетелде дайындықтан өтеді.

Биыл мемлекет басшысының тапсырмасы аясында «Болашақ» бағдарламасын қайта бағдарлау процесі іске қосылды. Басымдық инженерлік-техникалық кадрларды даярлауға беріледі.