Диана Тәшімбетова «Әлем аруы Қазақстан-2022» атағынан айырылды

Сурет: Іnstagram/diana.tashii

«Қазақстан аруы-2022» байқауының ұйымдастырушылары Диана Тәшімбетованың мәлімдемесіне жауап берді. Олар оның сөзін «жала» деп атап, қызды жеңіп алған атағынан айыратының мәлімдеді, деп хабарлайды Zakon.kz.

Диананың сөздері тек ұйымдастыру комитетінің мүшелері мен оның серіктестерін ғана емес, сонымен қатар байқаудың басқа қатысушыларын да негізсіз қаралауды көздейді. Біз бұл басқаларға деген үлкен құрметсіздік және басқалардың еңбегінің құнсыздануы деп санаймыз. Қарапайым қыздардың танымал болуын қамтамасыз ету үшін жұмыс жасай отырып, ұйымдастыру комитеті үлкен іс атқарып қана қоймайды, сонымен қатар басқа мүшелер мен серіктестер алдында толық жауапкершілікті өз мойнына алады, - делінген байқауды ұйымдастырушылардың ресми хабарламасында.

Посмотреть эту публикацию в Instagram

Публикация от Diana Tashimbetova Miss Universe Kazakhstan 2022 (@diana.tashii)

Бұған дейін әлеуметтік желілерде Тәшімбетова жарысты ұйымдастырушылардың үстінен шағымданып, оларды алдады деп айыптаған болатын. Ол «Әлем аруы Қазақстан» атағын алған кезде оны күтіп тұрған «қорқынышты зардаптар» туралы ескертілмегенін айтты.

Финалдық шоуға, пиар-компанияға, Диана Тәшімбетованы байқауға қатысуға дайындауға және оның имиджін дамытуға орасан зор қаражат пен күш жұмсалды, ал оның көрсеткен құрметсіздігі мұндай адамның еліміздің «аруы» атағына лайық емес екенін көрсетеді. Байқауды ұйымдастыру комитеті қолдауларыңызға алғыс білдіреді және байқауға қатысушыларды бір-бірін құрметтеуге, өз сөздеріне жауапкершілікпен қарауға және компания дирекциясына түсіністікпен қарауға шақырады, - деп мәлімдеме жасады ұйымдастырушылар.

Оқи отырыңыз