Македонияда өткен халықаралық байқауда Ержан Максим бас жүлде иеленді

Әлеуметтік желі, сурет - Zakon.kz жаңалық 10.01.2023 21:59

Сурет: Instagram/maksim_erjan

Бүкіләлемдік фестивальдер қауымдастығы ұйымдастырған өнер сайысында Ержан Максим Бас жүлдені жеңіп алса, Алтынай Төлеген екінші орынды иеленді. Оған Еуропа пен Азияның 16 мемлекетінен үздік деген 32 өнерпаз қатысты, деп хабарлайды Zakon.kz.

Қазақтың қос әншісі бұл музыкалық байқауда жеңімпаз атанып қана қоймай жыл бойы еткен еңбегі үшін үздік деп танылды. Олардың өнеріне әлемдік вокалистер тәнті болып отыр. Ендігі байқау тамыз айында Македонияда өтеді, деп хабарлайды "Хабар-24".

"Бүгін Македонияның төрінде Скопия қаласында біз жалғыз Гран приді жеңіп алдық. Осы жеңісімді мен тек қана Қазақ еліне және де қазақ Ұлттық өнер университетіне арнаймын. Көп көп раахмет. Барлықтарыңызды қатты жақсы көремін. Беттеріңізден сүйдім. Жеңіс құтты болсын! Ураааа!!!!".Байқау жеңімпазы Ержан Максим

"Қазақстандық қатысушыларды құттықтаймын. Олар өте дарынды. Келешегінен зор үміт күттіреді. Әлі қауымдастықтың талай шараларында топ жаратынына сенемін. Өнерпаздарға лайықты баға берілді. Жеңімпаздармен әрі қарай да жұмыс істейтін боламыз".WAF бүкіләлемдік фестивальдер қауымдастығының президенті Марьян Катароски

Оқи отырыңыз