«Алтын домбыра» байқауының үш дүркін иегері халықаралық айтыста бас жүлде еншіледі

Қызылордалық айтыскер Мұхтар Ниязов Қырғызстанда өткен халықаралық айтыста бас жүлде иеленді, деп хабарлайды Zakon.kz.

Бұл туралы облыстық мәдениет және спорт басқармасының басшысы Руслан Рүстемов мәлім етті.

«Қазақ пен қырғызға ортақ ақын болды деген осы. Қуан, қазақ! Қырғыздың Қарқара жайлауында өткен халықаралық айтыстағы Мұхтардың бас жүлдесі құтты болсын», деп жазды басқарма басшысы Facebook-те.

Мұхтар Ниязов Қызылорда облысы Жалағаш ауданында дүниеге келген. «Алтын домбыра» байқауының үш дүркін иегері.