Шымкентте такси жүргізушілері аязды күні тұрғындарды тегін тасып жүр

Шымкенттіктер күн аязды болуына байланысты тұрғындарды көлікпен тегін тасып жүр, деп хабарлайды Zakon.kz.

Otyrar.kz-тің хабарлауынша, Нариман Ахметов достарымен бірге мүмкіндігінше тұрғындарды үйіне жеткізіп, қиын жағдайға тап болғандарға көмектесіп жүр.

"Ең бастысы – адамдарға көмектесу, шымкенттіктер үшін қыс қатал болып тұр. Адамдарға көмектесу керек. Өзім негізі қажет кезде көмектесемін, ақшасы болмаса, тегін жеткіземін, бұдан шығынға батып қалмаймын, бұл – игі іс, көмектескендерге еселеніп қайтады", - дейді такси жүргізушісі Нариман Ахметов.

Бірнеше күн ішінде Нариман мен оның достары ондаған адамды жеткізген.

Синоптиктердің болжамынша, Шымкентте 12 қаңтарда түнде 25 градус аяз болады.