Оралда ресейліктерді шекарадан заңсыз тасыған такси жүргізушілері жазаланып жатыр
Сурет: pixabay
Оралда ресейліктерді шекарадан заңсыз тасыған такси жүргізушілері жазаланады. Иммигранттарға пәтерін заңсыз жалға бергендерге де сот пен айыппұл түріндегі қауіп төніп тұр. Бұл туралы шекара мәселелері жөніндегі үйлестіру кеңесінің отырысында қадағалаушы құзіретті органдардың өкілдері мәлімдеді, деп хабарлайды "Астана" телеарнасы.
Материалдар сотқа жолданып үлгерген.
Шамамен 70-ке жуық оралдық әкімшілік жауапкершілікке тартылады. Оларға 15 АЕК көлемінде айыппұл салынады, бұл - шамамен 45 мың теңге. Салық төлемегендер арнайы рейд кезінде анықталды. Шетелдіктердің көптеп келуіне байланысты Орал қаласында пәтерді жалға беру бағасы да екі есе өсті. Сондай-ақ такси ақысы да шарықтап шыға келген.
Бізге адамдар пәтерін туыстарына тегін жалға бердік деп көрсетеді. Қазір жергілікті полиция, көші-қон полициясы, учаскелік полициямен бірлесіп жұмыс істеудеміз. Бұл жұмысқа пәтер иелері кооперативтерін, жеке мүлік бірлестіктерін де тартамыз. Олар бізге нақты ақпарат береді, осы бағытта жұмыс істеп жатырмыз. БҚО бойынша Мемлекеттік кірістер департаментінің басшысы Бауыржан Айнабеков
Қазір өткізу пункттеріндегі жағдай тұрақталды, адамдардың ағылуы саябырсыды.
