Таразда атыс қаруы мен оқ-дәрілер көмілген екі орын табылды
Сурет: Жамбыл облысы ПД баспасөз қызметі
Жамбыл облысы ПД Есірткі қылмысына қарсы іс-қимыл басқармасының қызметкерлері Тараз қаласында бір күнде атыс қаруы мен оқ-дәрілер көмілген жасырын екі орынды тапты, деп хабарлайды Zakon.kz.
Полиция мәліметінше, жедел-іздестіру іс-шаралары барысында "Тектұрмас" кешенінің аумағында цемент бетондардың астынан қаңтар оқиғалары кезінде Жамбыл облыстық Полиция департаментінің ғимаратынан ұрланған тапанша табылып, тәркіленді.
Сондай-ақ, 9 мм калибрлі 5 жауынгерлік патроны бар "ПМ" маркалы тапаншаның оқжатары, нөмірлері өшірілген 12 мм калибрлі екі ұңғылы тегіс ұңғы аңшы мылтығы табылды.
Сурет: Жамбыл облысы ПД баспасөз қызметі
Сол күні Ниетқалиев көшесінде орналасқан аяқталмаған ғимараттың жертөлесінде 05.01.2022 жылы Алматы қаласындағы қару-жарақ дүкенінен ұрланған 7,62 мм калибрлі "Benelli SAT 13299" мылтық карабині табылды.
"Қару-жарақ пен оқ-дәрілердің арасында белгісіз маркалы газ револьвері, 5,45 мм калибрлі 43 патрон, 7,62 мм калибрлі 17 патрон, сақтандырғышы бар жарық-шу гранатасы, 5 қол газ гранатасы болды". Жамбыл облысы ПД ЕҚҚІБ бастығы Әлім Бажықбаев.
Жаңалықтан zakon.kz сайтында хабардар болыңыз:
Бөлісу
0
Толық оқу
