Жетіқарада иттерді жаппай ату дерегі тексеріліп жатыр

Жетіқарада иттерді атып кеткен, сурет - Zakon.kz жаңалық 19.01.2023 16:59

Сурет: pexels

19 қаңтарда Жетіқара полициясы жануарларға қатыгездік көрсету бойынша қылмыстық іс қозғады. Оған қала аудандарының бірінде иттердің жаппай атылуы себеп болды, деп хабарлайды Zakon.kz.

Қылмыстық іс қаланың қоғамдық пабликтерінің бірінде жарияланған соң қозғалды. Қоғамдастық хабарламасында айтылғандай, бірнеше иттің өлекселері қала маңындағы елді мекендердің біріне жеткізілген, артынша далаға лақтырып кеткен.

"Жақында біздің қала қатыгездік пен жануарларды қыру бойынша барлық рекордтарды жаңартатын шығар. Бұл иттер қарумен өлтірілген, "Строитель" саяжайларының жанына лақтырып кеткен. Әрине, полицияға арыз жаздық", - деп жазды автор.

Посмотреть эту публикацию в Instagram

Публикация от Жизнь твоего города (@vkurse_kst)

Ашынған қала тұрғындары алдымен полиция істі жауып тастағанын атап өтеді. Кейін Қылмыстық кодекстің 316-бабы «Жануарларға қатыгездік көрсету» бойынша тергеу басталғаны белгілі болды.

Қазақстанда жануарларды қорғау туралы заң 2022 жылдың наурыз айында енгізілген. Ережеге сәйкес, жануарларды, оның ішінде үйсіздерді өлтіруге тыйым салынады. Қылмыстық кодексте жануарларға қатыгездік жасағаны үшін ең жоғары жаза ретінде 30 тәулікке дейін қамауға алу көзделген.

Оқи отырыңыз