Талдықорғанда дәмханада жаппай төбелескен үш адам қамауға алынды

Сурет: Zakon.kz

Талдықорғанда полицейлер қалалық дәмханалардың бірінде бұзақылық бабы бойынша қылмыстық іс қозғады. Тергеу барысы ерекше бақылауға алынды, деп хабарлайды Zakon.kz.

Полицияға қала орталығындағы дәмханада топтық төбелес болғаны туралы хабар түскен.

"Оқиға орнына келген полицейлер қақтығысқа қатысушыларды қалалық әкімшілікке жеткізді. Оқиға ҚР ҚК 293-бабының 2-бөлігінде көзделген факті бойынша сотқа дейінгі тергеп-тексеру жұмысын бастап, Сотқа дейінгі тергеулердің бірыңғай тізілімінде ҚР Қылмыстық кодексі (адамдар тобында жасалған бұзақылық) деп тіркелді", - делінген хабарламада.

Кафе әкімшілігі полицияға ресми мәлімдеме жасап хабарласты. Төбелеске қатысқан үш азамат ҚР Қылмыстық іс жүргізу кодексінің 128-бабына сай ұсталып, уақытша ұстау изоляторына қамалды.

"Қылмыстық іс ерекше бақылауға алынды. Тергеу барысында іске қатысушы әр тұлғаның әрекетіне тиісті баға беріліп, қолданыстағы заңнамаға сай процессуалдық шешім қабылданады", - деді облыстық полиция департаментінің басшысы Арман Саданов.

1 қаңтарда келушілер жаппай төбелесіп, Талдықорғанда дәмхананы шулатты.

Оқи отырыңыз