Денсаулық сақтау министрлігінің басшысы Таразда сәбидің сатылуына қатысты пікір білдірді

Сәбиді перзентхана қызметкерлері сатқан, сурет - Zakon.kz жаңалық 26.01.2023 16:57

Сурет: unsplash

ҚР Денсаулық сақтау министрі Ажар Ғиният Парламент Сенаты отырысында Таразда сәбидің сатылуына қатысты пікір білдірді, деп хабарлайды Zakon.kz тілшісі.

Бұл сауалды журналистер көтерді. Олар мұндай фактілердің неліктен орын алып жатқанын және дәрігерлер барлық сәбилердің тууы мен өлуін тіркей ме, жоқ па деген сауалдарды қойды.

"Бұқаралық ақпарат құралдарының таратқан ақпаратынан хабардармын. Мен жағдайдың егжей-тегжейін білмеймін. Әйел босанған баласымен бірге перзентханадан үйіне жіберілген. Жағдайлардың барлығы ол жалдамалы пәтерде болған кез. Дәрігерлер, басшылар перзентханада не болып жатқанын бақылап отыр. Егер босану жақсы өткен болса, оларды ұзақ уақыт бойы ұстамайды, стандарт бойынша 3-4 күн, содан кейін оларды үйге шығарады. Мұндай оқиға орын алғандықтан,тағы да бүкіл ел бойынша медицина қызметкерлерімен жұмыс істейтін боламыз." Ажар Ғиният

Министр бес жыл бұрын сәбилердің сатылғаны туралы ақпараттан кейін барлық перинаталдық орталықтар мен перзентханаларда бейнебақылау орнатылғанын қосты. Бұл ретте баладан бас тартқан аналармен жұмыс істейтін ұжымға психологтар енгізілді.

2023 жылдың 25 қаңтарында Таразда сәбилерді саудалады деген күдікпен екі медицина қызметкерінің ұсталғаны белгілі болды.

Кейінірек полицейлер Таразда жаңа туған нәрестенің сатылуының мән-жайын жариялады.

Оқи отырыңыз