Димаш Құдайберген Армения, Түркия, Малайзияда концерт береді

Сурет: Zakon.kz

Stranger туры аясында үш елде Димаштың ауқымды шоу-концерттері өтпек, деп хабарлайды Zakon.kz.

DimashAli шығармашылық орталығы 2023 жылы Түркияның Анталья қаласындағы Ақдениз университетінің көпфункционалды стадионында өтетін Димаш Құдайбергеннің жеке концерті туралы хабарлаған еді. Әншінің өзі де Instagram-дағы парақшасы арқылы қандай қалаларда концерт болатынын айтты.

29 сәуір Арменияның Ереван қаласында
6 мамыр Түркияның Анталия қаласында
24 маусым Малайзияның Куала-Лумпур қаласында Димаш Құдайбергеннің концерті болады.

Ал Анталиядағы концерт билеттерінің сатылымы 23 қаңтарда басталды. Dimashali.com сайтынан алуға болады.

Айта кетейік, қазір Димаш Үндістанда жүр. Ол жап-жасыл бақтың ішінде тұрып, тыңдарманына видео үндеу жолдады.