Маңғыстау және Ақтөбе облыстарында екі жол учаскесі жабылды

Қолайсыз ауа райы, сурет - Zakon.kz жаңалық 07.02.2023 18:58

Сурет: pixabay

Еліміздің батысында ауа райының қолайсыздығына байланысты бірнеше республикалық тас жолда көлік қозғалысына шектеу енгізілді, деп хабарлайды Zakon.kz.

"Қазавтожол" мәліметінше, Маңғыстау облысында ауа райының нашарлауына байланысты "Доссор-Құлсары-Бейнеу-Сай Өтес-Шетпе-Жетібай-Ақтау" тас жолының 210-217 шақырымында - Атырау облысының шекарасынан Бейнеу ауылына дейінгі аралығында қоғамдық автокөліктердің қозғалысына шектеу енгізілді.

"Ақтөбе облысында ауа райының нашарлауына байланысты "Ақтөбе-Атырау-РФ шекарасы" тасжолының 255-330-шы шақырымында, яғни Қарауылкелді ауылынан Атырау облысының шекарасына дейінгі аралығында қоғамдық көлітердің қозғалысына шектеу енгізілді", делінген хабарламада.

Құзырлы мекеме штаттан тыс жағдай туындаса, бірден 1403 нөміріне қоңырау шалу керектігін еске салады.

Оқи отырыңыз