Жаңалықтар тізбегі
0

Петропавл қаласының мектебіндегі төтенше жағдай: екі бала жансақтау бөлімінде жатыр

Петропавл, мектеп, балта, оқушы, жансақтау бөлімі, СҚО, сурет - Zakon.kz жаңалық 13.02.2023 13:49 Сурет: pixabay
Петропавлдағы мектепте балтамен соққыдан жарақат алған екі бала жансақтау бөлімінде жатыр. Дәрігерлер Zakon.kz тілшісіне науқастардың денсаулық жағдайы туралы айтып берді.

№4 орта мектептегі төтенше жағдай салдарынан 15-16 жас аралығындағы жоғары сынып оқушылары Солтүстік Қазақстан облысының облыстық балалар ауруханасына шұғыл жеткізілді. Зардап шеккендердің арасында бір қыз және екі ұл бала бар. Олардың бірі балтамен тап берген 15 жастағы оқушының сыныптасы екені белгілі болды.

2023 жылғы 13 ақпан күні сағат 08:26-да «Көп бейінді облыстық балалар ауруханасы» ШЖҚ КМК жедел жәрдем бөліміне түрлі жарақаттармен 3 бала жеткізілді. Зардап шеккендердің біріне алған жарақаттарының сипатын және ауруханаға жатқызу көрсеткіштерінің жоқ екенін ескере отырып, жедел жәрдем бөлмесінде көмек көрсетілді, амбулаторлық ем тағайындалды.

Екі зардап шегуші шұғыл операция бөлмесіне жеткізілді, жарасына анестезиямен хирургиялық емдеу жүргізілді. Дәрігерлер сонымен қатар бірқатар қажетті диагностикалық шара мен арнайы мамандардың кеңесін жүргізді. Қазіргі уақытта екі баланың да жағдайы тұрақталды, науқастар жансақтау бөлімінде жатыр.

Петропавлда 9-сынып оқушысы мектепке балта мен пышақ әкеліп, салдарынан үш бала зардап шекті. Кейін баланың жасы 15-те екені, "Депрессия" диагнозымен психиатриялық есепте тұратыны белгілі болды. Ол қаладағы №4 орта мектепте 2022 жылдың қараша айында ауысып келген. Оқу ісі меңгерушісінің айтуынша, тоғызыншы сынып оқушысы мүмкіндігінше оқыған, өзін сабырлы, салмақты ұстаған.

Оқу-ағарту министрлігі 13 ақпан күні Петропавлдағы төтенше жағдайдан кейін елдегі барлық мектептің қауіпсіздігі тексерілетінін хабарлады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: