Мұхтар Тайжан Жер комиссиясы кезінде лоббилік қызметі үшін кәсіпкерлерден ақша алғанын айтты
Сурет: видео скрині
Мұхтар Тайжан 2016 жылы Жер комиссиясы кезінде лоббилік қызметі үшін кәсіпкерлерден ақша алған. Ол бұл туралы журналист Ерболат Мұхамеджанға берген сұхбатында айтты, деп хабарлайды Zakon.kz.
Мұхтар Тайжан бұл ақшаны бірнеше кәсіпкерден алған, оның ішінде Марғұлан Сейсембай да бар. Алайда ол бұл адамдардың есімдерін атаудан бас тартты және оған міндетті емес екенін айтты.
"Алдым, өйткені бұл менің қоғамдық жұмысыма кедергі немесе қайшы емес, бұл —менің жеке шаруам. Бұл келісімшарт басқаларына мүддесіне қайшы болмаса, бұл — біздің бәріміздің құқымыз. Басқаларды алдамаса, басқалардың мүддесін таптамаса, әр азамат басқа азаматтармен келісімшартқа отыра алады. Мен 13 жыл бизнесте жүрген адаммын, сондықтан мен халықты сатпадым, халықтың мүддесін таптамадым", - деді Мұхтар Тайжан.
Ол бұл ақшадан — 200 мың доллардан салық төлемеген. Мұхтар Тайжан жеке және заңды тұлға арасында келісімшарт жасалса, онда салықты кейінгісі төлейтінін айтты.
Мұхтар Тайжан — саясаткер, қоғам белсендісі, экономика ғылымдарының кандидаты, кәсіпкер. Қазір ҚР Парламент Мәжілісі депутаттығына Алматының №5 округінен өзін-өзі ұсынған үміткер.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
