Қазақстаннан Үндістан мен Суданға: ғалымдар тарғақтар туралы қызық жаңалық ашты

Тарғақ, құстар көші, Қазақстан биоалуантүрлілікті сақтау ассоциациясы, сурет - Zakon.kz жаңалық 01.03.2023 10:31

Сурет: Қазақстан биоалуантүрлілікті сақтау ассоциациясы

Былтыр көктемде Қазақстан биоалуантүрлілікті сақтау ассоциациясының мамандары 18 тарғақты таратқышпен таңбалаған еді, оның 17-сі қыркүйекте көшуді бастады. Ғалымдар Zakon.kz сайтына құстар саяхатының қызық жаңалығын айтып берді.

Мамандардың айтуынша, 4 құс афро-еуразиялық ұшу жолын таңдаса, 13-і Орталық Азия жолымен қозғалған. 13 тарғақ түрлі бағытты көрсете отырып, қыстау орнына жеткен.

Орталық Азия жолымен бағыт алған 10 тарғақтың жартысы Иран елінде қыстады.

Посмотреть эту публикацию в Instagram

Публикация от АСБК | Birdlife Kazakhstan | Природоохранная организация (@acbk.kz)

"Бұған дейін тарғақтардың Иран елі аумағын қыстауға қолданатыны жайлы деректердің болмағаны қызық жайт болды. Бұны жоба мамандары осы қыстың ең маңызды жаңалығы деп атады. Ирандағы Қазақстан биоалуантүрлілікті сақтау ассоциациясының әріптестеріне таңбаланған құстардың бірін бақылауға мүмкіндік туды".Қазақстан биоалуантүрлілікті сақтау ассоциациясы

Қалған үшеуі Пакистанда, біреуі Үнді елінде және тағы бірі Сауд Арабияның оңтүстігінде қыстады.

Афро-еуразиялық жолмен ұшқан әр тарғақ жеке өз бағытын белгілеп, екеуі Сауд Арабия еліне, біреуі Суданға тоқтады.

"Жақында құстар отанына — Орталық Қазақстанға оралу саяхатын бастайды, демек көктемнің екінші жартысында қарсы алатын боламыз", – делінген ассоциация жариялаған хабарламада.

Оқи отырыңыз