Жол апатынан ерлі-зайыпты мен бір жасқа толмаған бала мерт болды: полиция үндеу жасады

"Құрметті Атырау облысының тұрғындары және қонақтары! Менің бүгінгі үндеуім сіздердің жолаушы ретінде аман-есен жүріп тұруларыңызға бойынша қысқаша ескерту болмақ. Қазіргі уақытта, жасыратыны жоқ, көпшілігіміз баратын жерімізге жылдам жетуді әдетке айналдырып алдық, бірақ сол жылдамдықтың артында үлкен апаттың, денсаулығымызға және өмірімізге қауіп төнетінін ескермейміз. Айтқым келгені, баратын жерімізге қауіпсіз пойыз немесе автобуспен емес, заңсыз такси қызметін пайдаланып келеміз, яғни заңсыз такси қызметі қазіргі кезде адам өмірін жалмап, денсаулығымызға зардап келтіріп, бейбіт заманда қаншама ағайын-туысымыздан айырылып, кішкентай балаларымыз көзі мөлдіріп, жетім қалып жатыр. Халықтың көп шоғырланатын жерлерінде, әсіресе, облыс пен аудан орталықтарында жиналып тұратын такси жүргізушілерінің саны күннен күнге артып жатыр. (...) Жүріп-тұру рейс санын арттыру үшін  ұйықтамай, шаршаңқы күйде көлік айдауды әдетке айналдырған. Сондықтан өмірлеріңізді, денсаулықтарыңызды ойлағандарыңыз абзал" Атырау облысы полиция қызметі басқармасының бастығы Ерлан Биғамбаев

Еске салайық, 9 наурызда республикалық маңызы бар Ақтөбе - Атырау - Астрахань тас жолының 551-шақырым тұсында "Ларгус" және УАЗ автокөліктерінің бетпе бет соқтығысуы салдарынан жантүршігерлік жол апаты болды. 

Салдарынан оқиға орнында "Ларгус" автокөлігінің 1990 жылы туған жүргізушісі және 1994, 2022 жылдары  туған жолаушылары қаза тапты, сонымен бірге УАЗ көлігінің 3 жолаушысы түрлі дене жарақатымен облыстық ауруханаға жеткізілген.

Оқи отырыңыз

Оралда студенттер алаяққа алданып қалды

22:42, 27 наурыз 2023

Таразда вокзал аумағынан қару-жарақ жасырылған орын табылды

20:48, 27 наурыз 2023

Журналист Михаил Козачков шартты түрде 3,5 жылға сотталды

19:05, 27 наурыз 2023