Алматы облысында жол апатынан полицей мерт болды
![полиция, сурет - Zakon.kz жаңалық 08.02.2023 23:23](https://kaz.zakon.kz/pbi/WEBP/2023-12-20/file-a6113c5c-473c-460e-8544-5273dfbb5316/800x450.webp)
Алматы облысында жол апатынан еңбек демалысында жүрген полицей қаза болды, - деп хабарлайды Zakon.kz.
7 ақпан күні Lada Priora автокөлігінің 37 жастағы жүргізушісі Сарыбастау - Үлгілі автожолының 10-шақырымында келе жатып, қарсы қозғалыс жолағына шығып, Үшқоңыр ауылының 22 жастағы тұрғыны айдап келе жатқан Ladа-мен соқтығысқан.
Алған жарақаттарынан екі жүргізуші де оқиға орнында мерт болды. Ladа көлігінің 22 жастағы жүргізушісі Қарасай ауданы полиция бөлімінде учаскелік полиция инспекторы қызметін атқарған. Жол-көлік оқиғасы кезінде ол кезекті еңбек демалысында болған.
"Дерек бойынша Жамбыл ауданы полиция басқармасы ҚР Қылмыстық кодексінің 345-бабының 4-бөлігі бойынша қылмыстық іс тіркелді. Қажетті сараптамалық тексерулер тағайындалды", - деп хабарлады ІІМ.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript