Джо Байден банк дағдарысына байланысты шұғыл мәлімдеме жасады
Сурет: Іnstagram/joebiden
АҚШ Президенті Джо Байден 13 наурызда банк дағдарысына байланысты шұғыл мәлімдеме жасады, деп хабарлайды Zakon.kz.
АҚШ Президенті Джо Байден Америка азаматтарын АҚШ банк жүйесіне ешқандай қауіп төніп тұрған жоқ деп сендіреді.
АҚШ Президенті барлық депозиттер кез келген жағдайда қолжетімді екенін және банкрот банктердің басшылары жұмыстан шығарылатынын айтты.
"Америкалықтар АҚШ-тың банк жүйесінің қауіпсіздігі үшін еш алаңдамаса болады. Ал банкротқа ұшыраған банктердің басшылығы жұмыстан шығарылады", - деді Джо Байден банк дағдарысына байланысты жасаған шұғыл мәлімдемесінде.
Байден орын алған мәселеге байланысты салық төлеушілер шығынға ұшырамайтынын да жеткізді.
Бұған дейін АҚШ-тағы ең ірі банктердің бірі - Silicon Valley Bank, сондай-ақ Signature bank банкроттыққа ұшырағаны белгілі болды.
Сондай-ақ АҚШ-тың реттеуші органы банкроттық салдарының алдын алу үшін Силикон алқабындағы банктің барлық салымшыларын қорғайтыны хабарланған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
