Қазақстандағы есірткі сайттарын бұғаттауға жасанды интеллект қолданылады

Марат Ахметжанов қазір жоғары технологиялардың дамыған дәуірі екенін және есірткі бизнесі де киберкеңістікке көшкенін айтты.

"Телеграм боттары мен басқа да интернет-ресурстар арқылы есірткі сату кең тараған. Мысалы, биыл тіркелген әр жетінші есірткі қылмысы интернет арқылы есірткі сатумен байланысты. Әрине, біз мұндай интернет-дүкендерді бұғаттаймыз. Биыл олардың 604-ін бұғаттадық. Алайда бұл шара мәселені түбегейлі шешпейді".Марат Ахметжанов

Оның айтуынша, жаңа сайттар тез пайда болады. Ал оларды анықтау - ұзақ процесс. Ұйымдастырушыларды анықтау одан да қиын, өйткені олар шетелде.

"Осындай заңсыз контентке тосқауыл қою үшін заманауи аппараттық-бағдарламалық құрал-жабдықтар қажет. Осыған байланысты Кешенді жоспарда тиісті құралдармен қамтамасыз ету қарастырылған. Әңгіме "Аргус", "Айрис", "Тритон" аппараттық-бағдарламалық құрал-жабдықтары туралы болып отыр. Олар леуметтік желілер мен веб-сайттар арқылы есірткі тарату фактілерін анықтауды автоматтандырады".Ішкі істер министрі

Сонымен қатар министрдің айтуынша, "Кибернадзор" жүйесі сайттарды желіде бұғаттайды.

"Жасанды интеллект өзі анықтап, бірден бұғаттайды. Сонымен бірге ол мұндай сайттардың пайдаланушылары мен ұйымдастырушыларын анықтауға көмектеседі".Марат Ахметжанов

Бұған дейін ол Қазақстанда нашақорларды анықтау үшін скринингтік тексеруді енгізу жоспарына тоқталған еді. ҚР Ішкі істер министрі Марат Ахметжанов жалпы елдегі есірткі ахуалына кері әсер ететін факторларды да атады.

Оқи отырыңыз

Елімізде балаларға арналған 50 оқу-сауықтыру және 100 ірі ойын-сауық орталығы салынбақ

21:29, 27 наурыз 2023

Әлихан Смайылов жеңілдетілген несиелендіру бағдарламасының барысына тоқталды

13:15, 27 наурыз 2023

Енді трамадол есірткі деп есептеледі - үкімет

11:07, 27 наурыз 2023