Мемлекеттік қызметке үміткерлер мен абитуриенттерді нашақорлық бойынша тексеру ұсынылды

Сурет: wikimedia

14 наурызда үкімет отырысында ҚР Ішкі істер министрі Марат Ахметжанов нашақорлыққа кімдер тексерілетінін айтты, деп хабарлайды Zakon.kz.

Ішкі істер министрінің айтуынша, есірткінің көптеген түрі таралуына байланысты нашақорлық скринингі ұсынылып отыр. Ол қандай санаттағы азаматтар тестілеуден өтуге болатынын атап өтті.

"Мектептерде дәрі-дәрмектің түрлері өте көп тараған. Мұны біз жасырмаймыз. Бүгінде сенімді дерек жоқ. Мен биоматериалдарды кәсіби сараптамадан өткізуді ұсынамын. Бұл Денсаулық сақтау министрлігінің ұсынысы болғанымен біз мұны қолдаймыз. Оқу орындарына түскенде, жұмысқа, мемлекеттік қызметке, әскери қызметке тұрып жатқанда кәсіби сараптамадан өткізуді ұсынамыз. Иә, біз қазір өзімізге қымбат нәрсе мен балаларымыздың, қоғамның қауіпсіздігі немесе "біліп қояды" деп қорқамыз ба - осылардың арасында таңдау жасауымыз керек екенін түсінеміз".Марат Ахметжанов

Бұл ретте министр биоматериалдарда есірткі заттары табылғаны үшін қылмыстық және әкімшілік жауапкершіліктің болмайтынын атап өтті.

"Ата-аналарға ақпарат жіберіледі".Марат Ахметжанов

ІІМ басшысының сөзінше, әзірше бұл мәселе ұсыныс деңгейінде тұр.

"Бұл - ұсыныс. Жұмысқа орналасу кезінде, мемлекеттік қызметке орналасу кезінде, жүргізуші куәлігін алу кезінде биоматериалды тексеруді ұсынамын. Түсінесіздер, әркімнің бала-шағасы бар. Бүгінде синтетикалық есірткі кең таралған және оған қол жеткізу оңай. Бір дозаның құны - 10 000 теңге. Оны сізге интернет арқылы береді, әкеліп тастайды. Ғылыми сараптама есірткі тұтынуды ерте кезеңде анықтаса, адамдардың 95%-ы қалыпты өмірге оралуы мүмкін екенін көрсетеді. Үшінші кезеңде тек 15%-ы ғана қалыпты өмірге оралады".Марат Ахметжанов

Жиында министр жалпы елдегі есірткі жағдайына кері әсер ететін факторларды да атады.

Оқи отырыңыз