Жібек Құламбаева Түркияда өткен теннис турнирінің абсолют чемпионы атанды

Сурет: Қазақстан теннис федерациясы

Әйелдер арасындағы теннистен Қазақстанның төртінші ракеткасы Жібек Құламбаевадан Түркияның Анталияда өткен ITF 15 Women халықаралық турнирінде ешкім асып түсе алмады. Ол жеке және жұптық сайыстарда топ жарды, деп хабарлайды Zakon.kz.

Алматылық теннисші әуелі жұптық сайыста жеңімпазы атанды. Жібек Құламбаева ресейлік Дарья Лодиковамен дуэт болып Жакелин Кабай Абад (Швеция) / Марта Матала (Грекия) жұбын 6:1, 6:4 есебімен жеңді.

Одан кейін қазақстандық теннисші шешуші кездесуде Чехия өкілі Дениз Хиндованы 6:1, 6:3 есебімен ұтып, жекелей сында чемпион атағын жеңіп алды.

Осылайша, Жібек үшін бұл - жекелей сында карьерасындағы үшінші жүлде. Ал жұптық сайыста бұл - оның 20-титулы. Жалпы Құламбаеваның карьерасында ITF деңгейіндегі 23 чемпионат кубогы бар.

Оқи отырыңыз

Қазақстандық теннисші Бейбіт Жұқаев АҚШ-тағы жарыстың финалында жеңіліп қалды

"Өзіңсіз мүлде жаралы жан едім". Қазақша ән орындаған Илья Ильин көптің көңілін босатты

Душанбеде өткен Гран-приде дзюдошы Ерасыл Қажыбаев қола жүлдегер атанды

Редакция Zakon.kz

Қазақстан