Жібек Құламбаева ITF W 60 турнирінің жұптық сынында жеңімпаз атанды

Жібек Құламбаева Италияда өткен ITF W60 турнирінің жұптық сынында жеңімпаз атанды, деп хабарлайды Zakon.kz.

ҚР Теннис федерациясының баспасөз қызметінің мәліметінше, отандасымыз беларусь теннисшісі Юлия Готовкомен бірге колумбиялықтар Джулиана Лисарасо / Мария Паулина Перес Гарсияға қарсы ойын өткізіп, оларды 6:4, 6:4 есебімен жеңді.

Жібекте енді жұптық сын бойынша ITF-тің 22 титулына ие. Бұған дейін ол W15 және W25 санатындағы турнирлерде жеңіске жетсе, W60 сериясында алғаш рет жеңіске қол жеткізіп тұр. Римдегі жетістігінің арқасында Құламбаева жұптық сында WTA-ның жаңартылған әлемдік рейтингінде өзі үшін рекордтық  деңгейге көтеріліп, 174-ші орынға жайғасты.

Айта кетейік, сәуір айының басында Құламбаева Түркиядағы теннис турнирінің абсолютті чемпионы атанды