Атырау облысында қамыс өрті сөндірілді

Атырау облысы, қамыс өрті, өрт, сурет - Zakon.kz жаңалық 07.04.2023 17:25

Сурет: Атырау облысы ТЖД баспаөз қызметі

Атырау облысы Каспий теңізінің жағалауындағы қамыс өрті ауыздықталды. Облыстық ТЖД қызметкерлерінің мәлімдеуінше, өрт жалпы ауданы 1200 га амақты шарпыды, деп хабарлайды Zakon.kz.

Ведомство өкілдері өрт 6 сәуір кешке таман сөндірілгенін айтты.

"2023 жылғы 6 сәуірде сағат 21.30-да Атырау облысы Каспий теңізінің жағалауында қамыстың жануы жойылды. "Қазақстан Ғарыш сапары" космомониторингіне негізделген "Ақжайық" мемлекеттік табиғи резерваты ақпаратына сәйкес, өрттің жалпы ауданы 1200 га болды".Атырау облысы ТЖД баспасөз қызметі

Өртті сөндіруге Төтенше жағдайлар департаментінен 42 қызметкер мен 7 бірлік техника және "Ақ Жайық" табиғи мемлекеттік резерватынан 30 адам мен 9 бірлік техника, 2 қайық, 4 мотопомпа жұмылдырылды.

Сонымен қатар, қамыс өсімдіктерін сөндіруге «Қазавиақұтқару» АҚ-ның СТҚ-5 су төгетін құрылғысы бар МИ-8 тікұшағы жұмылдырылды. Өрт сөндіру кезеңінде тікұшақ өрт ошақтарына әуеден 86 рет, жалпы көлемі 260-қа жуық тонна су төгілді.