Роман Скляр Екібастұзда бұдан былай жылу мәселесінде ақау болмайды деп уәде берді
Сурет: primeminister.kz
Премьер-Министрдің бірінші орынбасарының айтуынша, жылу жүйелері мен жылу электр станцияларының аудиті аяқталды.
"Министр мен әкімдік тексеру аяқталғанын, ЖЭО-ның өзіне де, жылу желілеріне де ақша бөлінетінін хабарлады. Жөндеу жұмыстары толық көлемде жүргізіледі, деп сендірді облыс әкімі, мен оны қолдаймын. Келесі жылыту маусымында Екібастұзда проблема болмайды". Роман Скляр
Ол мемлекет жылу электр станциялары мен жылу желілерінің нысандарын коммуналдық меншікке алатынын айтты.
"Мемлекет жеке нысандарды жөндеуге қаражат бөле алмайды, сондықтан мемлекет бұл жағдайда ЖЭО нысандары мен инфрақұрылым - жылу желілерін жөндеу жұмыстарын жүргізеді. Жылу желілеріне келетін болсақ, онда 5,3 шақырым - бұл жаңа құрылыс болады. Қаланы жылумен жабдықтауды жақсартып, бастапқыда теңгерімсіз болған жылумен жабдықтау жүйесін жақсартуға мүмкіндік беретін мүлдем жаңа жылу желілері құрастырылады." Роман Скляр
Бұл ретте министрлер кабинеті басшысының орынбасары процеске жеке компаниялар да қатысатынын нақтылады.
"50 пайызы – коммуналдық меншікке алатын техника, ол бюджет қаражаты есебінен жөнделеді деп бірнеше рет айттым. Жылу желілері үшін де солай. Қалғаны паритеттік негізде. Осылайша, келесі маусымда жылуға қатысты мәселелер болмайды". Роман Скляр
Осылайша, оның айтуынша, осы жұмыстардың барлығынан кейін жылумен қамту мәселесі түпкілікті шешілетін болады.
"Коммуналдық меншікке алған қондырғыларымызды, жылу желілерін немесе ЖЭО жабдықтарын өз қаражатымыздан қаржыландырамыз. Үлескерлерге тиесілі жабдықты солар қаржыландырады. Осылайша, қаржыландыруды бірлескен күш-жігермен арттырып, мәселені шешеміз". Роман Скляр
27 қарашаға қараған түні Екібастұзда тұрғын үйлерге жылу мен ыстық су беру ауқымды түрде тоқтатылды. Себеп ретінде Энергетика министрлігі жылу құбырларының тозығы жетіп, 70 пайыздан астамы жарамсыз болып отыр.
Кейін Энергетика министрлігі Екібастұздағы апаттың жылу электр орталығында емес, жылу желілерінде болғанын түсіндірді.
28 қарашада Екібастұзда төтенше жағдай жарияланды.
Төтенше жағдай 8 желтоқсанда жойылды.
4 желтоқсанда тұрғын үйлердің барлық жертөлелеріне жылу берілгені белгілі болды.
