Павлодарда қоқыс үйіндісі өртеніп, қаланы қою түтін басты

Павлодар, өрт, қоқыс үйіндісі, сурет - Zakon.kz жаңалық 12.05.2023 16:49

Сурет: видеодан скриншот

12 мамыр күні таңертеңнен бері павлодарлықтар қаланы басқан қою түтінге шағымданып жатыр. Бұған қаладағы қоқыс үйіндісіндегі ірі өрт себеп болы отыр. Өрт сөндірушілер екінші күн қатарынан тілсіз жаумен күресіп жатыр, деп хабарлайды Zakon.kz.

Облыстық төтенше жағдайлар департаментінің хабарлауынша, 11 мамыр күні сағат 17:06-да "Эко Әлем-ПВ" жауапкершілігі шектеулі серіктестігіне қарасты қалалық үйінді аумағында шамамен 1,5 гектар қоқыс өртеніп жатқаны жөнінді хабарлама түскен.

"Елді мекендерге қауіп төніп тұрған жоқ. Өрт 12 мамырда сағат 06:33-те оқшауланды. Өрт шыққан жерде Төтенше жағдайлар департаментінің үш қызметкері мен бір техникасы, 15 "КамАЗ" автокөлігі мен "Эко Әлем-ПВ" ЖШС-нің жеті тиегіші, «Спецмашин» ЖШС*нің су тасығышы, «Водоканал» ЖШС-нің алты су тасығышы және тракторы жұмыс істеп жатыр". Павлодар облысы төтенше жағдайлар департаментінің баспасөз қызметі

Қазіргі уақытта "Эко Әлем-ПВ" ЖШС қызметкерлері өртті өз күшімен сөндіріп жатыр.

«Құм себіліп жатыр, 14 техника жұмыс істеп тұр: үш бульдозер, төрт жүк тиегіш, жеті КамАЗ және "Эко Әлем-ПВ" ЖШС-нің 14 қызметкері. Павлодар облысы төтенше жағдайлар департаментінің баспасөз қызметі

Оқи отырыңыз