Тоқаевтың CCTV телеарнасына берген сұқбатында қытай тілінде не айтқаны белгілі болды
Сурет: видеодан алынды
Қазақстан Президентінің телерадиокешені Instagram-дағы парақшасында сұқбаттан үзінді жариялады, онда Тоқаев Қытай тілінде сөйлеп отыр.
Белгілі болғандай, Президент бұл арада өзіне қатысты, яғни Қытай тағамдарына деген қалауын сөз еткен болып шықты.
Қытай тағамдары ішінде Президенттің сүйікті тағамдары хуэйгожоу (Сычуань тағамдары, қуырылған ет), Пекин үйрегі және данданмиан (Сычуанның ащы кеспесі) екен.
Сондай-ақ Тоқаев ащы тағамдарды жақсы көретінін айтты.
ҚХР-ға мемлекеттік сапары қарсаңында Президент еліміздің Қытаймен саяси, экономикалық, мәдени-гуманитарлық ынтымақтастығын дамыту перспективаларына қатысты Leaders Talk бағдарламасына сұқбат беріп, тілші сұрақтарына жауап берді.
Сұқбаты барысында Қазақстан Президенті Тайвань мәселесі бойынша өз ұстанымын айтты, сондай-ақ Қытай Қазақстанның сыртқы саясатында маңызды рөл атқаратынын мәлімдеді.
