Каспий теңізінің беті қара түске боялды. Экологтар түсініктеме берді

Экология, сурет - Zakon.kz жаңалық 01.06.2023 18:21

Сурет: pxhere

Әлеуметтік желіде Ақтау қаласындағы 4-ші ықшам ауданы аумағындағы Каспий теңізі бетінің қара түске боялғаны туралы ақпарат пайда болды. Маңғыстау облысы бойынша Экология департаментінің мамандары оқиға орнына аттанып, Zakon.kz-ға аталған жағдайдың себептерін атап көрсетті.

Мамандардың айтуынша, сараптау барысында теңіздің қара түске боялуының себебі шіріген теңіз өсімдіктері ыдырауынан және теңіз түбіндегі көпжылдық табиғи құбылыстарға байланысты тұнбаның жиналуынан екендігі екендігі анықталды.

Экологтар бұл ретте алаңдауға негіз жоқ екенін жеткізді.

"Жағалауды лай мен басқа да ластанудан тазарту үшін қажетті шаралар қабылданатын болады. Аталған мәселе бойынша жергілікті экология департаменті тиісті мемлекеттік органдарға хат жолдады", делінген хабарламада.

Жағалаудың ластануына заңсыз салынған тас айлақ түрткі екені де айтылады.

"Ақтау қаласының әкімдігі өткен жылдан бастап аталған заңсыз құрылысты сүру бойынша іс-шаралар қабылдады. Оны сүру жұмыстары 2023 жылдың 19 мамырында аяқталды", - дейлі құзырлы ведомство.

Қорытындылай келе, жағажайдың бұл учаскесі 2021 жылдың 29 қазанынан бастап "Mangystau project" ЖШС-ға сенімгерлік басқарумен берілген. Шарттың талаптарына сәйкес, жақын арада кәсіпкер жағалау аймағын тазарту бойынша шаралар қабылдайтын болады.