Экологтар Каспий теңізінің қызару себебін анықтады
Сурет: Zakon.kz
Облыстық экология департаментінің мамандары теңіз жағалауына барып, канал бойындағы ластанған аймақты тексерді.
Тексеру барысында ЖЭО-1 жеткізу құбырынан, "МАЭК-Қазатомөнеркәсіп" ЖШС каналына ағызатын көзден және "Каспий тұщыту зауыты" ЖШС ағызу құбырының көзінен су сынамалары алынды.Маңғыстау облысы бойынша экология департаментінің баспасөз қызметі
Зерттеу қорытындысы "Каспий тұщыландыру зауыты" ЖШС-нің ағызу құбырының көзінен және Каспий теңізіне шығатын құбыр көзінен алынған сынамада темір, фосфат және мыс мөлшерінің артық болуын көрсетті.
Анықталған фактілер бойынша заңнамада белгіленген тәртіппен қажет шаралар қабылданады, - деп уәде берді департаменттің баспасөз қызметі.
Ақтау тұрғындары Каспий теңізіне ағып жатқан қоңыр тат басқан суды түсіріп алған №1 ЖЭО-ның су төгетін арнасы "МАЭК-Қазатомөнеркәсіп" ЖШС-не қарайды. Сонымен қатар "Каспий тұщыландыру зауыты" ЖШС мен "Орбита" спорт кешенінің каналы да осында төгіліп жатыр.
11 қазан күні эколог Руслан Төкенов Каспийдегі судың қызаруына қатысты пікір білдіріп, жағалаудағы теңіз қоңыр балдырлардың әсерінен осындай қорқынышты түске боялған болуы мүмкін деген болжам жасады.
Ал кешке Ақтаудың тәуелсіз экологтары Каспий теңізінің қызару себебін сұрады. "Эко-Маңғыстау" ҰПҰ басшысы Кирилл Осиннің айтуынша, Ақтау жағалауындағы судың түсінің өзгеруіне қоңыр балдырлар себеп болмаған.
