Тәуелсіз экологтар Каспий суының қызаруына қатысты ресми жауапқа күмәнмен қарайды

Экология, сурет - Zakon.kz жаңалық 11.10.2022 21:20

Сурет: pixabay

Экологтарға Ақтау тұрғындары видео жолдады, онда арнайы жүргізілген арна арқылы Каспий теңізіне тот басқан қоңыр түсті су құйылып жатыр, деп хабарлайды Zakon.kz.

"Эко-Маңғыстау" үкіметтік емес ұйымының басшысы Кирилл Осин Ақтауда теңіз жағалауындағы су түсінің өзгеруіне қоңыр балдырлар себеп деп санамайды.

Маған қала тұрғындары видео жіберді. Мен оны өз кезегімде облыстың экология департаментіне жолдадым. Ағып жатқан бұл қандай су және оған кім жауапты екенін анықтау керек, - деді Кирилл Осин.

Негізінен, бұл арнаға Маңғыстау атом энергетикалық комбинатынан (МАЭК) шығатын су келіп түседі, бірақ МАЭК видеодағы оқиғаға еш қатысы жоқ екендерін айтып, басын ала қашып отыр. Кәсіпорында ЖЭО-1-ден таза су ағатынын хабарлады. Дәлел ретінде олар тиісті бейне жазбаны ұсынды.

Облыстың Экология департаменті Zakon.kz тілшісіне су сынамаларын алу үшін оқиға орнына мамандар жіберілгенін жеткізді.

Ол арада қазірдің өзінде мамандар жұмыс істеп жатыр, – деді Маңғыстау облысының Экология департаментінің басшысы Руслан Төкенов.

2022 жылдың 11 қазанында кешке Руслан Төкенов Каспийдегі судың қызаруына қатысты берген түсініктемесінде бұл теңіздегі қоңыр балдырлардың салдарынан осындай біртүрлі түс қалыптасқан деп болжады. Балдырлар суға осындай қызыл реңк береді екен.

Оқи отырыңыз