Абай облысында 7 учаскеде өртті сөндіру жұмыстары жүргізіліп жатыр
Сурет: ҚР ТЖМ
Абай облысындағы орман өртінің қазіргі кездегі жалпы ауданы 60 мың гектардан асты. 10 маусымда таңғы сағат 6.00-ден бастап өрт ошақтарына әуеден 164 рет, яғни жалпы көлемі 410 тонна су төгілді, деп хабарлайды Zakon.kz.
ҚР ТЖМ ұсынған соңғы мәліметтерге сүйенсек, қазіргі уақытта Абай облысында 7 учаскеде өртті сөндіру жұмыстары жүргізіліп жатыр.
Өртті сөндіруге ТЖМ, Орман шаруашылығы комитетінен, ЖАО және Қорғаныс министрлігінен 1000 астам адам, шамамен 237 техника жұмылдырылған.
"Одан бөлек өртті сөндіруге 11 тікұшақ тартылды. Таңғы сағат 6.00-ден бастап өрт ошақтарына әуеден 164 рет жалпы көлемі 410 тонна су төгілді. Өртті сөндіру жұмыстары басталғалы бері 263 рет, яғни жалпы көлемі 590 тонна су төгілді", делінген хабарламада.
Айта кетсек, бүгін Үкіметте Абай облысындағы өртті жою шаралары талқыланды. Сондықтан ҚР Төтенше жағдайлар министрі Юрий Ильин қызметінен босатылды. 9 маусымда Абай облысындағы алапат өртке байланысты Президент Төтенше жағдайлар министрі Юрий Ильинге оқиға орнына жедел барып, өрт сөндіру жұмыстарын басқару міндетін жүктеген еді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
