Жаңалықтар тізбегі
0

Даниал Ахметов қазақстандықтарды ҚР Тұңғыш Президенті күнімен құттықтады

Даниал Ахметов ШҚО әкімдігі
Өйткені бұл күн еліміздің дамуына өлшеусіз үлес қосып, Тәуелсіздігімізді нық орнатқан Нұрсұлтан Әбішұлы Назарбаевтың есімімен тікелей байланысты.

Шығыс Қазақстан облысының әкімі Даниал Ахметов қазақстандықтарды ҚР Тұңғыш Президенті күнімен құттықтады, деп хабарлайды Zakon.kz.

Құттықтау әкімнің Instagram-дағы ресми парақшасында жарияланған.

Құрметті жерлестер! Сіздерді 1 желтоқсан – Қазақстан Республикасының Тұңғыш Президенті күнімен шын жүректен құттықтаймын! Бұл мемлекеттік мерекенің орны ерекше. Өйткені бұл күн еліміздің дамуына өлшеусіз үлес қосып, Тәуелсіздігімізді нық орнатқан Нұрсұлтан Әбішұлы Назарбаевтың есімімен тікелей байланысты. Ол әлемдік деңгейдегі танымал әрі белді саясаткер, әлі күнге дейін елі үшін қызмет етіп келе жатқан зор тұлға. Өз Отанына және халқына қызмет етудің шынайы үлгісін танытып отырған саяси қайраткер.

Қазақстанның дамуында айтулы оқиғалардың басым бөлігі Нұрсұлтан Әбішұлының есімімен тікелей байланысты: Конституцияны қабылдау, республиканың ұлттық рәміздері мен валютасын құру, ядросыз әлем бастамасы және өзге де маңызды шаралар.

Бүгінде Қазақстан ілгері дамып келе жатқан көпұлтты мемлекет. Саяси, әлеуметтік-экономикалық және өзге де салаларда тұрақты дамып, модернизациялауға бет бұрған өркениетті ел. Тұңғыш Президент күнін атап өте отырып, біз Елбасымызға, оның мемлекетіміздің қалыптасуы мен дамуына қосқан тарихи еңбегіне зор құрмет көрсетеміз.

Мереке қарсаңында барлық қазақстандықтарға зор денсаулық, бейбітшілік пен амандық тілеймін!

Еліміздің туы көкте желбіреп, халқымыз өркендей берсін!

Шығыс Қазақстан облысының әкімі Даниал Ахметов

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: