Алматыда бейбіт митингі өтіп жатыр

Алматыда әкімдер сайлауына байланысты митингі өтіп жатыр. Оны өткізуге алдын-ала рұқсат алынған, деп хабарлайды Zakon.kz

Көпшілік сағат 12:00 шамасында Ұлттық Ғылым Академиясына қарама-қарсы Шевченко көшесіндегі Шоқан Уәлиханов ескерткішінің жанында жиналды.

Митингке 150-ге жуық адам келді, олардың арасында журналистер көп.

Жиналғандардың қолындағы плакаттарға және олардың сөздеріне сүйенсек, митингтің басты талабы - барлық деңгейдегі әкімдер сайлауы тетігін енгізу және Парламентті тарату.