Маңғыстау облысының әкімі наразылыққа шыққан жұмысшыларға қатысты үндеу жасады
Сурет: Маңғыстау облысы әкімдігінің баспасөз қызметі
Маңғыстау облысының әкімі Нұрлан Ноғаев бүгін, 7 қаңтарда Ақтауда жалақысын 100 пайызға көтеруді талап етіп, наразылыққа шыққан "МАЭК - Қазатомөнеркәсіп" ЖШС жұмысшыларына қатысты үндеу жасады, деп хабарлайды Zakon.kz.
Құрметті маңғыстаулықтар! Қаңтар айының басында Қазақстан тап болған оқиғалар еліміздің тұтастығы мен тәуелсіздігіне қауіп төндірген күрделі кезең болды. Елге қауіп төнген кезде Мемлекет басшысы барлық жауапкершілікті өз мойнына алып, бірқатар нақты шешім қабылдады. Мемлекет басшысы жаңа міндеттер қойып, Қазақстанның даму жолының жаңа кезеңін айқындады. Біздің мақсатымыз - болашақта осындай жалпыұлттық трагедияларға жол бермеу. Ал бұл үшін «Бір жағадан бас, бір жеңнен қол» шығарып, халық игілігі үшін жұмыла жұмыстану аса маңызды. Маңғыстау облысының әкімі Нұрлан Ноғаев
Сондай-ақ әкім Маңғыстау тарихи өнеркәсіптік өңір екенін, аймақтағы өндірістік компаниялардың қызметі облыстың дамуында аса маңызды рөл атқаратынын баса атап өтті.
Бүгінгі таңда өңірде бірнеше кәсіпорын өкілдері жұмыс берушілердің алдына түрлі сипаттағы мәселелерді қойып отыр. Оның ішінде еңбек ақының өсуіне қатысты сұрақтар да бар. Талап қоюшылардың арасында облыс тұрғындарын ауыз сумен және электр қуатымен қамтамасыз ететін МАЭК мекемесінің өкілдері де бар. Қазір жұмысшы мен жұмыс берушінің арасында еңбек арбитражы басталады. Нұрлан Ноғаев
Оның айтуынша, еңбек арбитражына қала әкімі, Энергетика министрлігінің өкілдері, еңбек қатынастары жөніндегі мамандар, қызметкерлер, жұмыс беруші және қоғам өкілдері қатысады. Комиссияның міндеті - кәсіпорынға өзінің негізгі қызметіне оралуға мүмкіндік беретін оңтайлы шешімді табу.
Құрметті маңғыстаулықтар! Халық пен елдің игілігі үшін баршаңызды сабыр сақтап, түсіністік танытуға шақырамын. Мемлекет басшысы реформалар жоспарын және оларды іске асыру жөніндегі нақты шараларды ұсынды. Біз бұл тапсырмаларды кезең-кезеңмен жүзеге асыруды бастап кеттік. Барлық қиындықтың уақытша екендігі маған да, сіздерге де белгілі. Сондықтан тұрақтылықты сақтап, конструктивті диалогқа, нақты және сындарлы өзгерістерге үлес қосуға шақырамын. Біз біргеміз. Маңғыстау облысының әкімі Нұрлан Ноғаев
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
