Шымкентте жол жөндеу жұмыстарында кеткен олқылықтар 15 мамырға дейін жойылады

Сурет: zakon.kz

Шымкентте бірнеше көшеде жоспарға сай, қыстан кейінгі жол құрылыс жұмыстары жүргізіліп жатыр. Айта кетсек, наурыз айындағы ауа райы қолайсыздығына байланысты жұмыстар уақытша тоқтаған еді, деп хабарлайды Zakon.kz.

Қала әкімі Мұрат Әйтенов 1 сәуірде елдімекендерді аралап, аталған жұмыстардың барысын тексерді.

Қазіргі таңда Қонаев, №1 автожол (Тәуке хан даңғылы жалғасы), Назарбаев, Бәйдібек би, Төлеметов, Момышұлы, А-2 айналма жолдарындағы ойық-шұңқыр жерлер қалпына келтірілуде.

Сәуір айының аяғына дейін магистралды көшелердегі барлық ойық-шұңқырлар ретке келтірілмек. Бірінші кезекте қаланың магистралды көшелері, кейіннен ішкі орам көшелерінің шұңқырлары жамалады. Шымкент қаласы әкімдігінің баспасөз қызметі

Баспасөз хабарламасы, сурет - Zakon.kz жаңалық 02.04.2022 14:51

Сурет: Шымкент қаласы әкімдігінің баспасөз қызметі

Қала басшысы жөндеу жұмыстарын жіті қадағалануын және сапалы орындалуын тапсырды.

Әкімдік мердігер ұйымдардың басшылығына белгіленген нысандарды 15 мамырға дейін қалпына келтіру үшін ескерту хаттарын жолдады. Талаптарды мерзімінде орындамаған жағдайда мердігер компанияларға мерзімі өткен әрбір күн үшін айыппұл салынады.