Даниал Ахметов мәдениет және өнер қызметкерлерін мерекесімен құттықтады
![Әлеуметтік желі, сурет - Zakon.kz жаңалық 21.05.2022 12:34](https://kaz.zakon.kz/pbi/WEBP/2023-12-20/file-3494d5b8-0af4-47a9-aeea-63abbc0ba658/800x451.webp)
Даниал Ахметов мәртебелі мамандық иелері жыл сайын отандық мәдениет пен өнердің дамуына, рухани байлығымыздың еселене түсуіне өлшеусіз үлес қосып келе жатқанын баса атап өтті.
![Арнайы шара, сурет - Zakon.kz жаңалық 21.05.2022 12:34](https://kaz.zakon.kz/pbi/WEBP/2023-12-20/file-3d94d890-8adf-46fc-a00e-0f2b5e694d94/800x451.webp)
Сурет: ШҚО әкімдігінің баспасөз қызметі
Олардың арқасында өміріміз ән мен күйге бөленіп, әрлене түсуде. Шығыс Қазақстан – танымал ақын-жазушылардың, отандық әншілер мен әртістердің, театр майталмандарының мекені. Сондай-ақ, шығармашылық ұжымдар мен кітапханашылар, мұражай мен мәдениет үйлерінің қызметкерлері де өз істерінде үздік атанып келеді. Халықаралық, облыстық деңгейде өтіп жатқан ғылыми-мәдени жаңалықтарға ұйытқы болып, облыс мәртебесін асқақтатып отыр. Барша мәдениет пен өнер қызметкерлерін кәсіби мерекелерімен құттықтаймын. Сіздерге сарқылмайтын шабыт пен өнер жолында жаңа табыстар тілеймін! ШҚО әкімі Даниал Ахметов
![Құттықтау, сурет - Zakon.kz жаңалық 21.05.2022 12:34](https://kaz.zakon.kz/pbi/WEBP/2023-12-20/file-91614d25-48e4-4d0e-975e-933f83e45e67/800x451.webp)
Сурет: ШҚО әкімдігінің баспасөз қызметі
Айта кетсек, бүгін Тоқаев бірқатар азаматтарға «Қазақстанның еңбек сіңірген қайраткері» атағын берді. Олардың арасында ШҚО азаматтары да бар. Атап айтқанда: «Ертіс концерт» КМҚК симфониялық оркестрінің бас дирижері Галсанов Александр Валерьевич, «Ә.Қашаубаев атындағы мемлекеттік филармония» КМҚК әншісі Өтуленова Мапруза Қадешқызы, «Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығы» РМҚК директоры– Шаңбай Тұрдықұл Қасенұлы.
![Құттықтау, сурет - Zakon.kz жаңалық 21.05.2022 12:34](https://kaz.zakon.kz/pbi/WEBP/2023-12-20/file-a611037a-9ed0-412e-9768-2f6db383b98b/800x451.webp)
Сурет: ШҚО әкімдігінің баспасөз қызметі