Екі жылда Шымкенттің Абай ауданындағы 9 елдімекен толықтай ауызсумен қамтылды
Сурет: Шымкент қаласы әкімінің баспасөз қызметі
Сондай-ақ, 2017 жылға қарағанда қала бюджетінен Абай ауданының аумағын сапалы электрмен қамтуға - 6 есе, газдандыруға – 50 есе, ал, абаттандыруға 9.5 есе көп қаржы бөлініп отыр. Мұның өзі жергілікті биліктің шалғай орналасқан тұрғын алаптар мен шағын аудандардың өзекті мәселелерін шешуге баса назар аударылып отырғанын көрсетеді.
Бұл туралы Шымкент қаласының әкімі Мұрат Әйтеновтің Абай ауданы тұрғындарымен кездесуі барысында айтылды.
Сурет: Шымкент қаласы әкімінің баспасөз қызметі
Шаһар басшысының айтуынша, биыл 320 мың халқы бар ауданда халықты таза ауыз су және сапалы электр қуатымен қамту мәселесі 100 пайызға толығымен шешіледі екен.
Шымкенттің республикалық маңызға ие өзге қалалардан ерекшелігі – қала аумағында 81 шағын аудан мен тұрғын алап бар. Оның 41-і кезінде ауыл окруктері болып, кейіннен қала аумағына қосылған. Біз бүгінде осы елді мекендерді толық инфрақұрылым, инжинерлік-коммуникациялық желілер және әлеуметтік нысандармен қамту үшін кезең кезеңімен жұмыс жүргізіп жатырмыз. Мәселен, бір ғана Абай ауданында 34 елді мекен болса, 2020 жылға дейін соның 10-ында орталықтандырылған ауыз су жүйесі болмаған. Өткен 2 жылдың ішінде соның 9-ына ауыз су берілді. Биыл Құрсайдағы құрылыс аяқталса, аудан 100 пайыз ауыз сумен қамтылады. Шымкент қаласының әкімі Мұрат Әйтенов
Сурет: Шымкент қаласы әкімінің баспасөз қызметі
Айта кетейік, Шымкент қаласының әкімі Әйтенов жыл басынан бері тұрғын алаптар мен шағын аудандарды аралап, халықпен 84 кездесу өткізген. Жалпы кездесулерде қала тұрғындарынан 874 ұсыныс-пікір мен сұрақтар түсіп, оның 374-і орындалған. Тағы 316-сы жыл соңына дейін орындалады деп күтілуде. Ал, 184 мәселе ұзақ-мерзімді шешуді қажет ететіндіктен 2023-2025 жылдардың жоспарына енгізіліпті.
Сурет: Шымкент қаласы әкімінің баспасөз қызметі
Сурет: Шымкент қаласы әкімінің баспасөз қызметі
Сурет: Шымкент қаласы әкімінің баспасөз қызметі
