Ермек Маржықпаев Ақмола облысының әкімі қызметінде қалды

Президенттің жарлығымен Ермек Маржықпаев Ақмола облысының әкімі лауазымына қайта тағайындалды, деп хабарлайды Zakon.kz

"Мемлекет басшысының Жарлығымен Ермек Боранбайұлы Маржықпаев Ақмола облысының әкімі лауазымына тағайындалды", - делінген Ақорда хабарламасында.

Ермек Маржықпаев 1969 жылы туған, Целиноград қаласының тумасы. С.Сейфуллин атындағы Ақмола мемлекеттiк педагогикалық институтын (тарих мұғалiмi), «Тұран» университетiн (заңгер), Көкшетау университетiн (қаржы бакалавры) бiтiрген.

Еңбек өтілі:

• Еңбек жолын 1991 жылы Астана қ. № 29 ОМ дене шынықтыру мұғалiмi, бокстан жаттықтырушы болып бастады.

• 1992-1993 жылдары — Ақмола облысы, Щучинск ауданы, Бурабай кентi, № 7 ОМ тарих мұғалiмi.

• 1993-1994 жылдары — «Шонай» ШЖК директоры.

• 1994-2008 жылдары — «Береке-Бурабай» ЖШС директоры.

• 2008-2012 жылдары — Ақмола облысы Аршалы ауданының әкiмi.

• 2012-2013 жылдары — Ақмола облысы Зерендi ауданының әкiмi.

• 2013-2014 жылдары — Ақмола облысы әкiмiнiң орынбасары.

• 2014-2015 жылдары — Қазақстан Республикасы Президентi Әкiмшiлiгi Мемлекеттiк бақылау және аумақтық-ұйымдастыру жұмысы бөлiмiнiң Мемлекеттiк инспекторы.

• 2015-2019 жылдары — Ақмола облысы Көкшетау қаласының әкiмi.

• 2019 жылғы наурызда Ақмола облысының әкiмi болып тағайындалды.