Алматыда кино түсірілуіне байланысты бірнеше көше уақытша жабылады

Сурет: pexels

Алматылықтарға 15 қаңтардан 19 қаңтарға дейінгі аралықта өз жүрісін алдын ала жоспарлап алуға кеңес беріледі. Өйткені бұл күндері қалада кино түсірілуіне байланысты бірнеше көше уақытша жабылады. Бұл туралы Zakon.kz-ны Алматы қалалық әкімдігі хабардар етті.

Қаладағы мына көшелер белгілі бір уақытқа дейін уақытша жабылады:

- 15 қаңтар күні сағат 10-нан 14.00-ге дейін – Жібек жолы көшесі, Бұзырбаев көшесінен Горький атындағы саябаққа дейін;

- 16 қаңтарда сағат 19.00-ден 02.00-ге дейін – Тимирязев көшесі Жандосов көшесінен Розыбакиев көшесіне дейін;

- 18 қаңтарда сағат 01.00-ден 06.00-ге дейін – Бөгенбай батыр көшесі Достық көшесінен Уәлиханов көшесіне дейін;

- 18 қаңтар және 19 қаңтар сағат 03.00-ден 07.00-ге дейін – Құрманғазы көшесі Назарбаев даңғылынан Төлебаев көшесіне дейін.

Түсірілім барысында түтін, пиротехникалық құралдар қолданылады, сондай-ақ қатты әрі шұғыл дыбысты көріністер болады. Кейде адамдар көп жиналатын түсірілімдер болады.

"Кино тобы түсірілім басталардан бірнеше күн бұрын жақын маңдағы үйлердің тұрғындарын хабардар етуге, сондай-ақ ақпараттық белгілерді тікелей орындарда пайдалануға міндеттенді. Осыған байланысты қала тұрғындары мен қонақтарынан түсірілім процесіне түсіністікпен қарауды сұраймыз", делінген хабарламада.

Оқи отырыңыз