Атырауда орталық көшедегі жолды қызыл кірпішпен жамаған. Қала әкімдігі үн қатты

Әлеуметтік желіде мұнайлы өлке - Атырау қаласында орталық көшедегі жолдың кірпішпен жамалған тұстарының суреті жаппай тарап жатыр. Осыған қатысты қала әкімдігі түсінік берді, деп хабарлайды Zakon.kz.

Атырау қалалық әкімдігінің баспасөз қызметі бұл жол жөндеу жұмыстарына дейінгі уақытша қабылданған шара екенін жеткізді, деп жазады AtyrauPress. Басылымның нақтылауынша, сурет - орталық көпірдегі көрініс.

"Жол жөндеу жұмыстары күн жылыған кезде басталады. Шамамен осы наурыз айында басталуы мүмкін. Сондықтан оған дейін жүргізушілерге ыңғайлы болсын деп осындай шара алынып отыр" делінген хабарламада.