Жамбылда әз-Наурыз мерекесіне арналған шаралар басталды
![Жамбыл облысы, Наурыз, Амал мерекесі, сурет - Zakon.kz жаңалық 14.03.2023 15:29](https://kaz.zakon.kz/pbi/WEBP/2023-12-20/file-6b4b2c15-03ed-48f7-be0e-7d9d6230bcf6/800x450.webp)
Амал мерекесіне орай бүгін А. Тоқпанов атындағы облыстық қазақ драма театрында "Төрткүл Ханзадасы" ертегісі және "Наурыз думан" балаларға арналған қойылымның премьерасы өтті.
![А. Тоқпанов атындағы облыстық қазақ драма театры, Жамбыл облысы, Наурыз, сурет - Zakon.kz жаңалық 14.03.2023 15:29](https://kaz.zakon.kz/pbi/WEBP/2023-12-20/file-d14814b5-962c-40a0-88f9-af02c669c394/800x450.webp)
Сурет: Жамбыл облысы әкімдігінің баспасөз қызметі
Ақын Сәнтөре Пірмановтың тарихи аңыз негізінде саханаланған "Төрткүл Ханзадасы" ертегісінде қазіргі Тараз қаласының аумағында орналасқан "Төрткүл" көне қалашығында болған оқиға баяндалады. Оқиғада ел билеушісі – Ханның ұлы Ханзаданың ел басқаруды қолына алғандағы және өзіне жар таңдаудағы дүйім жұртты таң қалдырған тапқырлығы, ақыл-парасаты ұтымды суреттеледі.
![А. Тоқпанов атындағы облыстық қазақ драма театры, Жамбыл облысы, Наурыз, сурет - Zakon.kz жаңалық 14.03.2023 15:29](https://kaz.zakon.kz/pbi/WEBP/2023-12-20/file-3e868a67-0f22-4828-9756-2f8dd2e2f06f/800x450.webp)
Сурет: Жамбыл облысы әкімдігінің баспасөз қызметі
Ертегі-қойылым жас көрермендер мен бүлдіршіндерді туған елі мен жерін, отанды сүюге тәрбиелеп, ата-баба аманатына берік болуға шақырады.
![А. Тоқпанов атындағы облыстық қазақ драма театры, Наурыз, сурет - Zakon.kz жаңалық 14.03.2023 15:29](https://kaz.zakon.kz/pbi/WEBP/2023-12-20/file-f4de240f-b216-40f2-8e38-3b9dc9f0a413/800x450.webp)
Сурет: Жамбыл облысы әкімдігінің баспасөз қызметі
Бұдан соң қойылымнан әдемі әсер алған балаларға "Наурыз думан" мерекелік шарасы ұйымдастырылды. Мұнда Қыдыр ата, Ұмай ана, Наурызбек, Күн, Түн, Ақпан-Тоқпан кейіпкерлері кішкентай көрермендердің көңілін баурап, табиғаттың тамаша көріністерімен қызықтырды.
![Жамбыл облысы, Наурыз, сурет - Zakon.kz жаңалық 14.03.2023 15:29](https://kaz.zakon.kz/pbi/WEBP/2023-12-20/file-4a7439a0-7ea8-465f-976f-3428872dcdae/800x450.webp)
Сурет: Жамбыл облысы әкімдігінің баспасөз қызметі
Мерекелік шара ән-бимен көмкеріліп, бірлік пен береке ұғымдарының мән-маңызын айшықтай түсті.
Наурыз мерекесіне арналған түрлі деңгейде шараларды ұйымдастыру қала, аудандарда да жалғасуда.