Тараздықтар Наурызды ерекше атап өтіп жатыр
![Наурыз, сурет - Zakon.kz жаңалық 22.03.2023 09:12](https://kaz.zakon.kz/pbi/WEBP/2023-12-20/file-764e0b9e-fba5-43cc-b16d-08c96472711f/800x516.webp)
Айталық, №2 аумақтық округ тұрғындары да Ұлыстың ұлы күнін көтеріңкі көңіл күймен атап өтті. Шараға Тараз әкімі Бақытжан Орынбеков арнайы қатысып, көпшілікті мерекемен құттықтады.
"Әз-Наурыз – жаңашылдық пен жасампаз рухтың жаршысы. Осы күндері Жер-ана қайта түлеп, тіршілік атаулы түгел жанданады. Тағылымы мол бұл мереке – жаңару мен жаңғырудың, адам мен табиғат арасындағы үндестіктің, келісім мен татулықтың алтын арқауы. Ежелден жаңару мен жасампаздықтың бастауы, ырыс пен берекенің арқауы болған әз-Наурыз қажырлы еңбектеріңізге толағай табыстар әкелсін". Бақытжан Орынбеков
Бұл күні округ халқы бір үйдің баласындай тату-тәтті тіршілігін дәріптеп, түрлі ойын-сауық іс-шарасына белсене атсалысты. Ырысы мен берекесі артқан жұртшылық жаңа жылда жақсы тілек тілесіп, әсем ән мен күйден шашу шашты.
Сонымен қатар "Қазақтың келіндері-ай" атты байқау ұйымдастырылды.
![Наурыз, сурет - Zakon.kz жаңалық 22.03.2023 09:12](https://kaz.zakon.kz/pbi/WEBP/2023-12-20/file-ae538e84-8984-4133-948c-6d6c45ddad04/800x526.webp)
Сурет: Тараз әкімдігінің баспасөз қызметі
Әз Наурыз "Хамукат" тұрғын алқабында да осылай әдемі кешпен әрленді.
Сонымен бірге №4 аумақтық округте де мерекелік думан өтті. Мұнда округ тұрғындары арасында асық ату, ләңгі тебу, қол күресі, күрес, арқан тарту сынды түрлі спорттық ойындар ойнатылды.
![Наурыз, сурет - Zakon.kz жаңалық 22.03.2023 09:12](https://kaz.zakon.kz/pbi/WEBP/2023-12-20/file-5c66fd53-1cbe-41fd-a973-fe1e37180fd8/800x600.webp)
Сурет: Тараз әкімдігінің баспасөз қызметі
![Наурыз, сурет - Zakon.kz жаңалық 22.03.2023 09:12](https://kaz.zakon.kz/pbi/WEBP/2023-12-20/file-373d05cf-f2b1-47be-b72e-b7381cfe6e97/800x533.webp)
Сурет: Тараз әкімдігінің баспасөз қызметі
![Наурыз, сурет - Zakon.kz жаңалық 22.03.2023 09:12](https://kaz.zakon.kz/pbi/WEBP/2023-12-20/file-ac6d7a7e-e050-4822-9865-5d46ae601ba3/800x533.webp)
Сурет: Тараз әкімдігінің баспасөз қызметі
Мерекелік дастархан жайылып, Наурыз тағамдары тарту етілді.
![Наурыз, сурет - Zakon.kz жаңалық 22.03.2023 09:12](https://kaz.zakon.kz/pbi/WEBP/2023-12-20/file-f57ad165-fc27-4e5d-8019-c070169095b0/800x533.webp)
Сурет: Тараз әкімдігінің баспасөз қызметі
Осы күні аумақтағы жасы үлкен қарияларға сый-сияпат жасалды.
![наурыз, сурет - Zakon.kz жаңалық 22.03.2023 09:12](https://kaz.zakon.kz/pbi/WEBP/2023-12-20/file-b4a09551-466f-408d-ab80-5fbf1ecbbcad/800x521.webp)
Сурет: Тараз әкімдігінің баспасөз қызметі
Келесі кезекте қала әкімі №5 аумақтық округке аялдады. Көпшілікті Ұлыстың ұлы күнімен құттықтаған шаһар басшысы, өнерпаздардың концерттік бағдарламасын тамашалады.
Осылайша қаладағы 11 округтің тұрғындары жыл басы – Наурыз мерекесін бар сән-салтанатымен қарсы алуда. Мұндай шаралар ертең де жалғасады.