Темекі шегетіндер коронавирус инфекциясын көбірек жұқтырады – жапон ғалымдары

Жапонияның Халықаралық денсаулық сақтау ұлттық ғылыми орталығының ғалымдары жасанды тыныс алу аппаратында жатқан науқастардың арасында коронавирусты жұқтыру көрсеткіші темекі шегетін ерлерде 1,51 есе және әйелдерде 1,94 есе жоғары екенін дәлелдеді, деп хабарлайды Zakon.kz

"NHK" телеарнасы хабарлағандай, ғалымдар 2021 жылдың ақпанына дейін Жапонияда ауруханаға жатқызылған 20 мен 80 жас аралығындағы 17,6 мыңға жуық індет жұқтырғандардың деректеріне талдау жасады.

Жапондық сарапшылардың пікірінше, темекі шегу жүрек пен өкпеге әсер етеді, сонымен қатар созылмалы ауруларға әкеледі, сондықтан темекі шегушілер инфекцияның ауыр зардаптарына көбірек ұшырайтынын анықтап отыр.