Футболшы 35 минуттың ішінде өз қақпасына үш бірдей гол соқты

Бұл жағдай Жаңа Зеландия мен АҚШ арасындағы футболдан әйелдер құрамасы арасында өткен She Believes Cup турнирінде болды, деп хабарлайды Zakon.kz.

Бұл туралы vesti.kz сайты жазды.

Ойынның 36-минутында-ақ америкалықтар 3:0 есебімен алға шықты. Бұл үш голды да Жаңа Зеландияның қорғаушысы Мейкайла Мур соқты. Ағылшындық «Ливерпуль» сапында 2020 жылдан бері ойнап жүрген 25 жастағы футболшы «мінсіз» хет-трик жасады: оң аяғымен, басымен және сол аяғымен гол соқты және ол голды өз командасының қақпасына соқты.

Жаңа зеландиялықтардың жаттықтырушылар штабы кездесудің 40-минутында Мурды ауыстырды. Алаңнан шыққан бойжеткен көзіне жас алды. Үзілістен кейін америкалықтар есепті 5:0-ге жеткізді.