Катовицеден 53 қазақстандық мінген жетінші репатриациялық рейс ұшып шықты

Репатриациялық рейс, сурет - Zakon.kz жаңалық 28.03.2022 20:13

Сурет: ҚР СІМ

28 наурызда Нұр-Сұлтан қаласының уақыты бойынша сағат 19:44-те Катовице қаласынан (Польша) Қазақстанға жетінші репатриациялық рейс ұшты, деп хабарлайды Zakon.kz.

Ұшақ Алматы қаласына қонады деп күтілуде. Ұшақта 53 жолаушы бар. ҚР СІМ

Осымен, Украинадан 900 ҚР азаматы шығарылды, ал олардың ішінен 743 адам репатриациялық ұшақтармен Қазақстанға оралды.

28 наурызда Қазақстанның Төтенше жағдайлар министрлігі Алматыдан Польшаның Катовице қаласына Украина азаматтары үшін гуманитарлық көмектің кезекті партиясын жеткізетін арнайы рейс ұйымдастырды. Қайтар жолда жүкті жеткізген «Бүркіт» мемлекеттік әуе компаниясының Ил-76 ұшағы Украинадан Польшаға келген бірнеше ондаған Қазақстан азаматтары мен олардың отбасы мүшелерін қазақстандық дипломаттардың көмегімен алып шығады деп жоспарланып отыр.

Оқи отырыңыз