Үндістандық ата-ана ұлы мен келінін немере сыйламағаны үшін сотқа берді

бала, нәресте, сурет - Zakon.kz жаңалық 16.05.2022 10:58

Сурет: pixabay

Сотта олар ұл мен келіннің бір жылда балалы болуын, әйтпесе ата-анасына 65 мың АҚШ доллары көлемінде өтемақы төлеуі керек екенін талап еткен, деп хабарлайды Zakon.kz.

Үндістанда қарт ерлі-зайыпты Санджив пен Садхана Прасад ұлы мен келінін немере сыйламады деп сотқа беріп отыр. Ал жас ерлі-зайыптының үйленгеніне алты жыл болған. Олар содан бері балалы болмаған, деп жазды India Today басылымы.

Сот арызында әйел ұшқыш атанған ұлының оқуына қыруар қаржы салғанын айтқан. Сонымен қатар анасы 2016 жылы үйлену тойына қомақты қаражат жұмсағанын және жас жұбайларды өз ақшасына Тайландқа бал айына жібергенін айтты. Ата-анасы да үй салу үшін банктен несие алған.

Алайда тойдан кейін келіні ұлын Телангана штатының Хайдарабад қаласына көшіп келуге мәжбүрлеп, барлық байланысын үзген.

Оған қоса сотта келіннің отбасы күйеубаланың жалақысын толық қадағалайтыны және қызының әр шешімін қолдайтыны айтылған.

Талапкерлер ұлы мен келініне бір жылда балалы болуды, әйтпесе ата-анасына 65 мың доллар өтемақы төлеуді сұрап отыр.

Сот арызды 17 мамырда қарайды деп болжанды.

Оқи отырыңыз