Ресейдің Рязань қаласының маңында ұшақ құлады

Құламас бұрын Ил-76 көлік ұшағында өрт шықты. Ұшақ апатынан үш адам қаза тауып, тағы бес адам ауруханаға жатқызылды, деп хабарлайды Zakon.kz.

Ұшақ 24 маусымда Михайловское тас жолының маңында апатқа ұшырады, деп жазды «Известия».

Ұшақ бортында 10-ға жуық адам болған. Ресей Федерациясының Төтенше жағдайлар министрлігінің мәліметінше, ұшақ құлаған кезде сол маңайдағы ешқандай затқа зақым келмеген.

Апат салдарынан үш адам қаза тауып, тағы бес адам жараланып, ауруханаға жеткізілді.

Жерге құламас бұрын Ил-76 көлік ұшағында өрт болған.

Ұшақ құлаған жердегі өрт сөндірілді.