ҚХР Сыртқы істер министрлігі Пелосидің Тайванға сапарына қатысты мәлімдеме жасады
Сурет: pixabay
ҚХР Сыртқы істер министрлігі АҚШ Конгресі өкілдер палатасы спикерінің аралға келіп аяқ басуын Қытайдың егемендігі мен аумақтық тұтастығын бұзу деп атап өтті.
Сондай-ақ, Қытай АҚШ-ты "бір Қытай" қағидатын, сондай-ақ қытай-америкалық коммюникеде бекітілген ережелерді бұзды деп айыптады.
Пелосидің сапары аймақтағы бейбітшілік пен тұрақтылыққа селкеу түсіріп, сепаратистік күштерге алабөтен белгі береді, деп мәлімдеді құзырлы органдағылар.
Осыдан кейін ресми Бейжің АҚШ-ты Қытайдың ішкі істеріне араласуды доғаруды сұрады.
Тайванның көмегімен Вашингтон Бейжіңді тежеп ұстағысы келеді, бірақ бұл "отпен ойнағанмен бірдей, - деді ҚХР СІМ.
Ақ үй Пелосидің сапары АҚШ-тың Қытайға қатысты саясатына толық сәйкес келеді және жағдай ушығатындай себептер көріп тұрғанымыз жоқ деп мәлімдеді.
