Жапония атом электр станцияларын қайта жандандырмақ

Бұл туралы осы елдің премьер-министрі Фумио Кисида қоршаған ортаны қорғауға арналған конференцияда мәлім етті, деп хабарлайды Zakon.kz.

Оның айтуынша билік енді жетілдірілген шағын атом реакторларына көңіл бөлмек, деп мәлімдеді «Хабар 24».

Үкіметке мәселені қарастырып, жыл соңына дейін шешім қабылдау тапсырылды.

Жапония 2011 жылы Фукусимадағы апаттан кейін көп атом электр станцияларының жұмысын тоқтатқан болатын. Себебі оларды қолдануға қарсылық білдіргендер көбейген еді. Бірақ Украинадағы қарулы қақтығысқа байланысты электр энергиясына тапшылық туындап, билік ұстанымын өзгерте бастады.