Қырғызстан ҰҚШҰ жаттығуларын өткізуден бас тарту себебін түсіндірді

Қырғызстан, ҰҚШҰ, Тәжікістан, сурет - Zakon.kz жаңалық 11.10.2022 10:56

Сурет: pixabay

Қырғызстан премьер-министрінің орынбасары Еділ Байсалов ҰҚШҰ-ның "Мызғымас бауырластық – 2022" оқу-жаттығуларын өткізбеу туралы шешім қабылдауға Тәжікстанмен болған жанжал себеп болғанын айтты, деп хабарлайды Zakon.kz.

Оның РИА Новости басылымына айтуынша, Қырғызстандағы қоғамдық пікір Тәжікстанмен жақында болған қақтығысқа байланысты армияның алдағы жаттығуларға қатысуын құптамайтын еді.

У нас абсолютно нерушимое членство в ОДКБ, у нас никаких проблем в отношении этой организации, с мандатом, с миссией, с уставом – никаких нет. Но, конечно же, в свете недавних событий не остыла кровь.

Бізде бұл ұйымға, мандатқа, миссияға, жарғыға қатысты ешқандай проблема жоқ. Бірақ, әрине, соңғы оқиғалар тұрғысынан ашу-ыза әлі басылған жоқ.Қырғызстанның вице-премьер-министрі Еділ Байсалов

Қырғызстан 9 қазанда Ұжымдық қауіпсіздік шарты ұйымы (ҰҚШҰ) бітімгершілік күштерінің "Мызғымас бауырластық – 2022" командалық-штабтық оқу-жаттығуларын өткізуден бас тартты.

Оқи отырыңыз