Қырғыз елі өз аумағында ҰҚШҰ оқу-жаттығуларын өткізу туралы шешімнің күшін жойды

Арнайы оқу-жаттығу 10-14 қазан аралығында қырғыз еліндегі "Эдельвейс" полигонында өтуі керек болатын.

ҰҚШҰ ресми сайтында да аталған іс-шаралар күнтізбеден алынып тасталды.

Айта кетейік, "Бұзылмас бауырластық - 2022" оқу-жаттығуына Тәжікстанның Қарулы Күштері қатысуы керек болатын. Полигонда бітімгершілік операциясын жүргізу және атысты тоқтату режимін қамтамасыз ету жағдайы пысықталуы тиіс еді.

16 қыркүйекте таңертең қырғыз-тәжік шекарасындағы бірнеше учаскелерде атыс басталды.

Лейлек және Баткен аудандарындағы елдімекендерге оқ жаудырылды. Қырғыз-тәжік шекарасындағы қарулы қақтығыс салдарынан Баткен және Лейлек аудандарының жеті ауылының, Ош облысы Чон-алай ауданының Жекенді ауылының тұрғындары үйлерін тастап, бас сауғалай қашты. 198 адам зардап шекті, 62 адам қаза тапты. Баткен облысында ТЖ режимі енгізілді.

Қырғыз Республикасының Бас прокуратурасы Қылмыстық кодекстің "Бейбітшілікке қарсы қылмыстар" бабы бойынша қылмыстық іс қозғады.

25 қыркүйекте қос мемлекет бейбітшілік пен жағдайды реттеу туралы хаттамаға қол қойды.

Оқи отырыңыз

Әскери кемелер Каспий теңізінің акваториясындағы теңіз және әуе нысандарын жойды

17:32, 26 наурыз 2023

Мемлекеттік әскери-тарихи мұражай қызметінің ақылы түрлеріне тарифтер бекітіледі

16:19, 25 наурыз 2023

Қорғаныс министрлігінің ақпараттық-түсіндіру тобы батыс өңірде кездесулер өткізді

18:19, 15 наурыз 2023